土蚓爬软沙

土蚓爬软沙，因何伊敢会叫歌？

土蚓伊是身腰长，身腰软，伊才会叫歌。

蜻蜓也是身腰长，身腰软，因何伊敢（勿会）叫歌？

蜻蜓伊是六脚共四翅，伊才(勿会)叫歌。

庵哺蛴也有六脚共四翅，因何伊敢会叫歌？

庵哺蛴伊是腹肚下一个喙，伊才会叫歌。

毛蟹也是腹下一个喙，因何伊敢（勿会）叫歌？

毛蟹伊是水里浮，水里沉，伊才（勿会）叫歌。

田蛤仔也是水里浮，水里沉，因何伊敢会叫歌？

田蛤仔伊是喙阔食斗大，伊才会叫歌。

水缸也是喙阔食斗大，伊敢（勿会）叫歌？

水缸伊是涂来做，火里烧，伊才（勿会）叫歌。

涂卑仔也是土来做，火里烧，因何伊敢会叫歌？

涂卑仔伊是两空相弄通，伊才会叫歌。

竹火管也是两空相弄通，因何伊敢（勿会）叫歌？

竹火管伊是竹来做，灶底喷，伊才（勿会）叫歌。

铜花针伊是铜来做，无有两空相弄通，伊才（勿会）叫歌。

铜大锣也是铜做的，因何伊敢会叫歌？

铜大锣伊是人来扛，人来敲，伊才会叫歌。

软纸钱也是人来扛，人来敲，伊敢（勿会）叫歌？

软纸钱伊是纸做的，人糊的，伊才（勿会）叫歌。

风吹辗也是纸做的，因何伊敢会叫歌？

风吹辗伊吃半天风，伊才会叫歌。

东西塔也吃半天风，因何伊敢（勿会）叫歌？

东西塔伊是石做的，伊才（勿会）叫歌。

一石撞臼也是石做的，伊敢会叫歌？

石撞臼伊是君踏娘踖。伊才会叫歌。

柴楼梯也是君踏娘踖，因何伊敢（勿会）叫歌？

柴楼梯是柴做的，伊才（勿会）叫歌。

柴眠床也是柴做的，伊敢会叫歌？

柴眠床伊有君揽娘，娘揽君，伊才会叫歌。

注：

庵哺蛴：蝉。
涂卑：泥土做的哨子。