月娘月光光

月娘月光光，起厝田中央。

骑白马，过中堂。中堂娘仔爻起宫。

起宫吃（勿会）饱，搦来做细纱。

细纱（勿会）绞纱，搦来做工叉。

工叉（勿会）叉草，搦来做粪斗。

粪斗（勿会）贮涂，搦来做葫芦。

葫芦（勿会）和药，搦来做刀石。

刀石（勿会）磨刀，搦来做竹篙。

竹篙（勿会）摛衫，搦来做扁担。

扁担（勿会）担粟，搦来做大烛。

大烛点（勿会）着，搦来做干乐。

干乐拍（勿会）遨，搦做酒槽。

酒槽（勿会）激酒，搦来做朋友。

朋友兄呀朋友弟，搦臭头兮来钻鼻。

注：

      起宫：起行出宫门。
      摛：晾。
      干乐：木柁螺。
      遨：旋转。
      激酒：酿酒。